Solskjær: – Bør heie fram suksess i næringslivet

(NPK-NTB): Fotballstjerna Ole Gunnar Solskjær, som tidlegare var manager i Manchester United, seier han er open for ein jobb i næringslivet i framtida.

– Eg er open for ein framtidig jobb i næringslivet, seier Solskjær, som i september blir ein av hovudattraksjonane på Oslo Business Forum.

– Ekspertisen min ligg i fotballen, men det å få det beste ut av menneske og inspirere og motivere dei mot eit felles mål, krev mange av dei same eigenskapane i næringslivet som i fotballen, seier han.

Solskjær har stort sett halde seg utanfor rampelyset sidan han måtte forlate jobben som manager i ein av dei største fotballklubbane i verda Manchester United i 2021. Solskjær spelte sjølv for klubben mellom 1996 og 2007.

– Vi bør heie fram suksess i næringslivet slik vi heiar det fram i idretten, seier Solskjær.

– Vi skal ikkje lenger enn til Sverige for å sjå ein annan mentalitet der også næringslivet og profilane der blir løfta fram som superstjerner, seier han.

(©NPK)