Solstad-nedtur etter tallslepp

Solstad-selskapa la tysdag fram sine tal for 2. kvartal i år.

Dei viste at inntektene til Solstad Offshore fall frå kring 1,9 milliardar til 746 millionar. Lønnsemda vart også betydeleg svakare, viser tala i børsmeldinga.

Investorane på børsen svara med å sende kursen ned for Solstad Offshore. Ved 12-tida hadde verdien falle med meir enn fem prosent sidan børsen opna.

Endringane i resultat og omsetning skuldast mykje at Solstad Maritime vart skilt ut frå konsernet tidlegare i år. Reiarlaget ser positivt på framtida etter ei flåteutnytting på 97 prosent i perioden.

Solstad Maritime fekk inntekter på 1,5 milliardar og eit ebitda-resultat på heile 799 millionar kroner i kvartalet. Flåteutnyttinga her var på 82 prosent.