Spår fleire inkassokrav og tvangssal

(NPK-NTB): Ekspertar Dagens Næringsliv har snakka med, spår auka bustadutgifter, fleire inkassokrav og at fleire hushald blir trua av tvangssal i 2024.

Styringsrenta blir truleg ikkje heva, men kjem til å halde seg høg gjennom 2024. Noregs Bank trur det jamne hushaldet får ei nominell bustadrente på 5,7 prosent.

Samtidig seier analysesjef Christoffer Steen-Hansen i Kredinor til Dagens Næringsliv at det er ein urovekkjande auke i bustadlån som går til inkasso.

– Etter alle rentehevingane ser vi no at hushald med normale, gode inntekter i aukande grad slit med å betene bustadlånet, seier han.

Generalsekretær Morten Meyer i Huseierne er ikkje samd med statsminister Jonas Gahr Støre (Ap) i at det kjem til å bli betre i 2024.

– Nei, dessverre. Støre tek feil. 2024 kjem til å bli endå meir utfordrande for norske hushald enn 2023, seier Meyer.

(©NPK)