Sterke fiskerital dreg opp BNP-veksten

Bruttonasjonalprodukt for Fastlands-Norge steig 0,8 prosent frå november til januar. Veksten frå desember til januar var på 0,3 prosent, ifølgje (SSB).
Begge tala vert trekt opp grunna vekst i primærnæringane.

Tremånadersveksten skuldast ein svak haust for jordbruket etter sommartørken, medan sterke tal frå fiskeri ligg bak veksten i månadstala. Også varehandel og tenester knytt til olje- og gass bidreg positivt.