Stig Remøy inn i motorsatsing

Remøys Olympic Group er blitt 12,5 prosent medeigar i selskapet Fecreate, som spring ut av Øyvind Iversens selskap Flekkefjord Electro. 

Olympic Group og Stavanger-selskapet Møkster Investering gjekk inn med like andelar og blei medeigarar gjennom ei kapitalutviding på åtte millionar kroner.

– Dette skal vere nok til å få oss i gang, skriv Iversen i ein e-post til NettNo.

Fecreate har utvikla ei meir energieffektiv motorløysing. Slik forklarar Iversen løysinga i ein e-post:

«Vi har klart å utvikle en ny måte å styre omformingen av DC strøm til AC strøm og integrere det hele inn i motoren. Da har vi oppnådd at tapet i denne funksjonen ligger langt under ett prosentpoeng. Dette er en meget stor effektivitetsforbedring og vil bety at løsningen vil spare både strøm og kostnader. I tillegg sparer man vekt, plass og installasjonstimer. Og sist, men ikke minst, er elektronisk støy, THD og Common Mode problematikk så godt som eliminert.»

Teknologien er utvikla for batteri- og hybridfartøy og er særleg aktuell for servicefartøy, arbeidsbåtar og hurtiggåande fartøy. Den er patentert i USA, og er i «patent pending» fase i Europa, opplyser selskapet.