Stoltenberg lovar stramt budsjett

(NPK-NTB): Det reviderte statsbudsjettet torsdag kjem til å vera tilbakehalde og nøkternt, lovar finansminister Jens Stoltenberg (Ap).

– Det er eit budsjett for å halda orden i økonomien i ei tid prega av uvisse. Det kjem ingen store overraskingar på utgifts- eller inntektssida, seier finansministeren til Aftenposten.

Torsdag kjem revidert nasjonalbudsjett.

Det er to punkt der Stoltenberg og statsminister Jonas Gahr Støre (Ap) lovar meir pengar: Allereie vedtekne 50 milliardar kroner ekstra til Ukraina, og dessutan den nye fastprisordninga for straum som regjeringa ønskjer å innføra frå hausten av.

Delen oljepengar i budsjettet har nær dobla seg sidan Stoltenberg gjekk av som statsminister i 2013, men han påpeikar at det har skjedd i tråd med handlingsregelen.

– Det me bruker, er finansavkastninga av oljeinntektene, seier han.

(©NPK)