Store vêrkontrastar

Det har vore store kontrastar i både temperatur og nedbør i Noreg i november, ifølgje Meteorologisk institutt. Både kulde- og nedbørsrekordar har roke.

Det har mellom anna vore rekordvått i Midt-Noreg, medan det var mykje tørrare enn normalt på Austlandet.

Ei rekkje stasjonar i Trøndelag og Møre og Romsdal fekk frå dobbelt til nesten tre gonger så mykje nedbør som normalt. Her sette fleire stasjonar nedbørsrekord i november med 173,9 millimeter.

På Austlandet fekk fleire stasjonar mindre enn halvparten av den normale nedbørsmengda denne månaden.

På landsbasis kom det 5 prosent meir nedbør enn normalt.

Kautokeino i Troms og Finnmark registrerte 28. november den lågaste minimumstemperaturen målt i november på minus 36,7 grader. Det er den lågaste avlesne novembertemperaturen i Kautokeino på over 30 år og også den lågaste temperaturen i Noreg i november sidan 2002.

Det var langt mildare lenger sør. Holmestrand i Vestfold og Telemark målte 16,8 grader 19. november, som er den høgaste temperaturen i heile landet i november.

Månadstemperaturen for heile landet låg svært nær normaltemperaturen i 30-årsperioden 1991–2020, som vi samanliknar med.