Historisk dårleg for Bygdebladet

Salsinntektene fall med nesten ein million samanlikna med 2021. Avisa har aldri levert eit dårlegare driftsresultat, med eit tap på meir enn 700.000 kroner i 2022.

Bygdebladet er ei av få aviser i regionen som framleis blir utgiven på papir, og NETT NO har tidlegare skrive om at annonseinntektene svikta i fjor fordi næringslivet mangla tilgang på varer.

- Det vi byrjar å merke no er at mange av våre annonsørar byrjar å mangle varer og dermed er det ikkje nokon vits å annonsere, sa dagleg leiar, redaktør og største aksjonær, Reidar Opsal i Bygdebladet til NETT NO i juni 2022.

Lønnsemda var dårleg for avisa, og med ein resultatmargin på -7,14 prosent har meir enn halvparten av eigenkapitalen gått med til å dekke inn tapet.

Bygdebladet held til på Ørskog, og dekker Ålesund, Vestnes og Fjord kommune, og sysselsette i følgje årsrekneskapen 12 årsverk i 2022.