Strynefjellet er stengt

Riksveg 15 over Strynefjellet er stengd på grunn av faren for snøskred, og det er kolonnekøyring på fleire andre fjellovergangar mellom aust og vest.

– Det har gått eit skred i Grasdalen, og området må vurderast av geolog, melder Vegtrafikksentralen aust på Twitter.

Det blir vurdert på nytt fredag morgon eller formiddag om fjellovergangen mellom Aust- og Vestlandet kan opnast.

E16 over Filefjell og rv. 52 Hemsedal er derimot opne, medan det er innført kolonnekøyring på rv. 7 over Hardangervidda og E134 Haukelifjell, ifølgje Vegtrafikksentralen vest.

Fv. 53 mellom Tyin og Årdal er stengd. Det same er fv. 50 Aurland-Hol og rv. 13 Vikafjellet.