Større enn MDG i ny måling

NPK-NTB: Industri- og næringspartiet (INP) får 3,8 prosents oppslutning på Nettavisens nye partimåling. Dermed er dei større enn Miljøpartiet Dei Grøne (MDG) på 3,6 prosent.

På InFacts junimåling for Nettavisen får Industri- og næringspartiet 3,8 prosents oppslutning og er inne med to mandat på Stortinget. Det er like mange mandat som MDG får, som fell med 1,3 prosentpoeng frå førre måling. Samtidig er INP 0,2 prosentpoeng større enn MDG på målinga.

Det er andre gong denne månaden at INP er større enn MDG på ei måling. På Norstats måling for Aftenposten og NRK fekk INP 3,3 prosent, mot MDGs 3,2.

På målinga har dei fire borgarlege partia fleirtal saman, sjølv om Høgre er taparen i målinga med ein nedgang på 2,3 prosentpoeng.

Heile målinga (endring frå førre månad i parentes):

Raudt 4,7 (-0,5), SV 8,4 (-0,7), Ap 19,9 (+1,1), Sp 6,2 (-0,3), MDG 3,6 (-1,3) Venstre 4,4 (+0,7), KrF 4,4 (+0,3), Høgre 29,8 (-2,3), Frp 11,7 (+0,8), andre parti (inkl INP) 6,9 (+2,1).

Målinga er utført 5. juni, med 1005 intervju. Feilmarginen er frå +/- 1,2-2,8 prosentpoeng.