Teigenes med kjempefangst

Herøy-båten Teigenes håva inn kring 480 tonn makrell på sin første tur til makrellfelta onsdag, skriv Vestlandsnytt. 

Det første kastet sikra kring 80 tonn, medan kast nummer to gav heile 400 tonn i nota. 

– Vi får håpe det varer, for då blir det kjekt dette her, seier skipper Jan Erik Reite til avisa då båten er på veg til Brødrene Sperre sitt anlegg på Ellingsøya torsdag. 

Reite fortel at det var stor og fin fisk og ifølgje avisa ligg truleg prisen kring 38 kroner kiloen. Det gjer at fangsten har ein verdi på nærare 19 millionar kroner.