Thue nektar å betale bot

Vindkraftmotstandaren Hans Petter Thue nektar å vedta bota etter aksjonane mot vindkraftverket på Haramsøya i fjor.

Thue har blitt pålagt ei bot på 30.000 kroner frå politimeisteren i Møre og Romsdal for mellom anna å ha hindra politiet i arbeidet deira under aksjonane i juni, august og september i fjor, skriv NRK Møre og Romsdal.

Under aksjonane nekta Thue å flytte seg og bilen sin frå anleggsvegen. Han nekta også å fjerne seg frå ei ferje.

NRK skriv at Thue seier han er budd på å møte i rettssalen.