Treningssenter nektar å betale husleige

Daeskogen Eiendom saksøker Family Sports Club for nær 1,2 millionar kroner mellom anna for manglande betaling av husleige, melder Sunnmørsposten.

Saka skal til behandling i Sunnmøre tingrett torsdag denne veka.

Family Sports Club meiner dei har rett til å få fullt avslag på leiga i ein periode frå mars til juni, då dei blei pålagt å stenge av styresmaktene, ifølgje sluttinnlegget frå treningssenteret.

Huseigaren meiner på si side at pålegget frå styresmaktene er uvedkomande for leigetakar, og eigedomsselskapet vil i tillegg til husleiga ha dekka felleskostnader, inndrivingskostander og forseinkingsrenter, går det fram i sluttinnlegget frå Daeskogen Eigedom.