Tussa byggjer nytt kraftverk

Tussa har starta utbygginga av Røyrhus kraftverk i Stranda kommune. Kraftverket ligg i Røyrhusdalen mellom Grodås og Hellesylt, og har ein forventa årsproduksjon på 5,9 GWh.

Det tilsvarar årsforbruket til knappe 300 husstandar. Prosjektet er kostnadsrekna til 34 millionar kroner, skriv Tussa i ei pressemelding.

Då Tussa slo seg saman med Stranda Energi hausten 2023, fekk Tussa samstundes vassdragskonsesjon for Røyrhus kraftverk. I mars vart første spadetak tatt.

- Prosjektet føyer seg inn i rekkja av fleire investeringar Tussa gjer med nybygg og rehabilitering av kraftverk. Tussa har i dag 29 vasskraftverk i drift på søre Sunnmøre, Stranda og Stryn. Fire av kraftverka ligg i Stranda kommune, seier Olav Osvoll, konsernsjef i Tussa, i pressemeldinga.