Tussa med nytt oppkjøp i Volda

Dei ni tilsette i Nordvest Elektro i Volda får Tussa Installasjon sin lokal som base etter Nordvest Elektro blir en del av Tussa Installasjjon.

Nordvest Elektro har i fleire år satsa sterkt på havbruk og industri og med oppkjøpet auka Tussa Installasjon si satsing på havbruksmarknaden.

– Saman vil vi vidareutvikle eit solid fagmiljø retta mot havbruksnæringa. Dette er ei viktig og framtidsretta næring for Tussa Installasjon, seier administrerande direktør Roar Stenersen i Tussa Installasjon i ei pressemelding.

Oppkjøpet blir gjennomført som ei samanslåing der selskapet Nordvest Elektro Drift AS blir slått saman med Tussa Installasjon, og samanslåinga vil skje i løpet av 2025. Prisen er ikkje oppgitt.