Tyskland vil skrote bensinbilforbod

NPK-NTB-TT: EUs avgjerd frå 2023 om å stanse salet av nye bilar med forbrenningsmotor frå 2035 har lenge vorte kritisert av land med stor bilindustri, som Tsjekkia, Slovakia, Ungarn, Polen og Italia.

På motsett side står mellom anna Sverige – ikkje minst med tilvising til produsentar som Volvo, som har satsa tungt på elbilar.

Tysklands haldning kan bli avgjerande. Forbundskanslar Friedrich Merz kalla måndag forbodet «feilaktig» og har innkalla fagforeiningar og næringsliv til eit krisemøte i Berlin torsdag om framtida til bilindustrien.

Førebels står EU-kommisjonen fast ved forbodsvedtaket.

I den årlege talen sin om tilstanden i unionen i september oppmoda leiaren for kommisjonen Ursula von der Leyen bilindustrien til å satse på ein elbil som er «økologisk, økonomisk og europeisk».

Bilstriden har vorte endå eit uttrykk for ein veksande vilje blant EU-land og parlamentarikarar til å bremse delar av den grøne given (Green Deal) for å verne arbeidsplassar og økonomisk vekst.

Kommisjonen har allereie valt å lette på og utsetje enkelte berekraftsreglar og tiltak mot avskoging. På det kommande EU-toppmøtet om to veker er venta ein hard kamp om klimamåla for 2040 og posisjonen i unionen før klimatoppmøtet COP30 i november.