Kort fortalt
– Ulovleg med kjønnsstyrte frisørprisar
Praksisen med herre- og dameklipp er ulovleg.
13.09.2021
Det fastslår Likestillings- og diskrimineringsombodet.
Ombodet får fleire førespurnader årleg, frå personar som må betale for kvinneklipp, sjølv om dei har kort hår.
– Dessverre er det framleis mange frisørar som har kjønnsdelte prisar, seier rådgivar Shorish Azari i Likestillings- og diskrimineringsombodet til NRK.
Han viser til paragraf 6 i Diskrimineringslova, som seier at det er forbode å diskriminere på bakgrunn av mellom anna kjønn.
– I utgangspunktet er praksisen med herre- og dameklipp ikkje lovleg, seier Azari.
Publisert: 13.09.2021 10:34
Sist oppdatert: 13.09.2021 10:35