Vald som ny leiar av fiskarlaget

Eit fleirtal på landsmøte til Norges Fiskarlag valde onsdag Jan Roger Lerbukt som ny leiar i organisasjonen. 

Lerbukt er representant for Fiskebåt – som på same landsmøte konkluderte med at dei vil melde seg ut av fiskarlaget. 

Utmeldinga er ein tidkrevjande prosess som vil ta to år. Med sin representant som leiar, vil Fiskebåt ha betre kontroll på arbeidet mot dette – og leiinga av organisasjonen elles. 

Valet blei gjort mot stemmene frå Nord Fiskarlag, som ville ha Tomas Sagen som leiar. Han blei i staden valt til 2. nestleiar. Første nestleiar blei Linne Lending frå Sør-Norge Fiskarlag.