Vard-kontrakt til Brunvoll

Det er to skip som Vard skal bygge for det britiske reiarlaget North Start som skal styrast og drivast framover av propellar, thrusterar og system frå Brunvoll, fortel selskapet i ei pressemelding. 

Storleiken på kontrakten i kroner er ikkje opplyst.

I forkant av Nor-Shipping-messa i sommar melde Brunvoll-konsernet at dei hadde sikra seg sin største kontrakt nokon sinne. 

I løpet av dei siste fire åra har det maritime lokomotivet i Molde om lag dobla omsetninga. 

I fjor fekk Brunvoll ei omsetning på 1,9 milliardar kroner.

– Vi reknar med å bikke 2,3 milliardar i 2025 og har eit mål om å nå 4 milliardar i 2030, sa Asmund Sætre til Nett No under Nor-Shipping. 

Sætre leiar arbeidet med forretningsutvikling og marknad hos Brunvoll.