Kort fortalt

Vedum forsvarar lakseskatten

Vil ikkje høyre på protestane.

17.03.2023

NPK-NTB: Om fem–ti år kjem folk til å seie at innføring av lakseskatt var rett, meiner Senterpartiets-leiar Trygve Slagsvold Vedum.

– Vi synest det er kjempebra at folk tener seg rike på havbruk, men viss du har veldig store overskot med å bruke fellesskapsareal, så må du dele litt meir, sa Vedum då han talte til landsmøtet i Senterpartiet fredag.

Då landsmøtet starta, stod fleire demonstrantar frå «kystbrølet» utanfor hotellet. Dei ber regjeringa skrote planane om grunnrenteskatt på havbruk, men Vedum har ikkje tenkt å høyre på dei.

Han samanliknar dagens debatt, med det som skjedde då ein bygde ut vasskraft på byrjinga av 1900-talet.

– No er det uro. No er det bråk. Men om fem–ti år kjem folk til å seie at dette var rett. Akkurat som dei sa på vasskraft på byrjinga av 1900-talet, seier partileiaren.

Publisert: 17.03.2023 10:46

Sist oppdatert: 17.03.2023 10:49