Vedum lovar sterkare tollvern

NPK-NTB: Sp-leiar Trygve Slagsvold Vedum lovar sterkare tollvern i ei Ap-Sp-regjering og at bondeinntekta skal opp på industriarbeidernivå.

Sp-leiaren garanterer ein opptrappingsplan for bondeinntekta på nivå med industriarbeidarlønn og lovar tøff kamp med Ap i regjering for auka tollvern, skriv Nationen.

– Målet mitt er at vi skal opp på industriarbeidarlønn, seier Vedum.

Sp-leiaren åtvarar mot å tru at ein ny tollkamp med Ap vil bli enkel, og kallar motkreftene i Ap «beinharde».

– Den store kampen er kampen om tollvernet. Blir tollvernet endra, er det heilt krise, seier Vedum.