Veidar truleg ute av drift eit halvår

Reiarane trur det vil ta minst seks månader før line- og garnbåten Veidar igjen kan fiske, skriv Sunnmørsposten.

I mellomtida vil mannskapet bli permittert.

– Dei står no utan arbeid, og må no gå til NAV eller finne seg anna arbeid. Dette er familiefolk med forpliktingar. Det er sjølvsagt tungt, seier reiar Torfinn Ulla til avisa.

Fabrikken om bord i fiskefartøyet er totalskadd etter brannen for snart to veker sidan.

Reiarlaget fortel at det er naturleg at Optimar får oppdraget med å bygge opp at fabrikken.