Ein jamn straum med tyske campingturistar, og nordmenn i helgane i tillegg. Slik har sesongen starta for Geiranger Camping, seier dagleg leiar Magnus Nygård Maråk i Geiranger Camping.
Nygård Maråk eig Geiranger Camping 50/50 saman med Frank Maråk, som er dagleg leiar og største aksjonær i Geiranger Bryggeri.
Campingplassen i Geiranger sentrum tek mot gjestar med bubilar, campingvogner og telt. I 2019, siste år før koronapandemien var inntektene 5,3 millionar kroner. Det var ny rekord. Pandemien reduserte inntektene i 2020 og 2021, men i 2022 nådde selskapet seks millionar kroner i inntekt og auka dei med omlag ein million til både i 2023 og 2024.
Også Geiranger Bryggeri nådde ein inntektstopp i 2019, på 2,5 millionar kroner, som blei slått i fjor (sjå tabell). Store avskrivingar på nye investeringar medverka til minusresultat i 2023. I fjor avskrivingane redusert nok til at selskapet kom i pluss.
Geiranger Bryggeri sel omlag halvparten av ølet sitt til serveringstadar, butikkar og overnattingsbedifter i Geiranger ifølgje Frank Maråk.
| Geiranger Camping as | ||
| Tal i mill. kroner | 2024 | 2023 |
| Driftsinntekt | 8,0 | 7,0 |
| Driftsresultat | 0,4 | 0,3 |
| Resultat før skatt | 0,5 | 0,3 |
| Geiranger Bryggeri as | ||
| Tal i mill. kroner | 2024 | 2023 |
| Driftsinntekt | 2,6 | 2,2 |
| Driftsresultat | 0,1 | -0,2 |
| Resultat før skatt | 0,04 | -0,2 |
Publisert: 23.05.2025 07:18
Sist oppdatert: 23.05.2025 07:18
