Ventar eksplosiv vekst for bustadprisane

(NPK-NTB): Handelsbanken Capital Markets trur på færre rentekutt framover, men ventar likevel at det blir ein kraftig auke i bustadprisane etter nyttår.

Det skriv meklarhuset i ein ny rapport om eigedomsmarknaden, ifølgje E24 , Dagens Næringsliv og Finansavisen.

– Det er framleis utsikter til rentekutt i mars, men vi trur no på litt færre rentekutt framover. Likevel er det god grunn til å tru at bustadprisveksten vil bli eksplosiv, står det i rapporten.

Berre i januar ventar dei at bustadprisane skal stige med rundt 4 prosent. Ved utgangen av neste år ventar dei at bustadprisane vil vere 11–12 prosent høgare enn ved utgangen av 2024.

Oppgangen kjem som følgje av mellom anna lågare renter og eit meir ekspansivt statsbudsjett. Men den viktige endringa er letta i utlånsforskrifta, der eigenkapitalkravet blir senka frå 15 til 10 prosent, skriv Finansavisen.

For åra 2024–2026 ventar Handelsbanken ein bustadprisvekst på 25–30 prosent, og dei trur at veksten vil bli sterkast i Oslo og Tromsø.

(©NPK)