Vestre lanserer «Made in Norway»

(NPK-NTB): Norske produkt som oppfyller krav om berekraft, kvalitet og ansvarskjensle, skal kunne inkluderast i merkeordninga «Made in Norway».

Næringsminister Jan Christian Vestre (Ap) lanserer den nye merkeordninga måndag. Opphavsmerket er eitt av fleire verkemiddel som inngår i eksportreforma som regjeringa lanserte i 2022.

«Made in Norway» er eit registrert varemerke. Ordninga skal driftast av Innovasjon Noreg.

Produkt som går inn under merkeordninga, skal oppfylle definerte krav til berekraft, kvalitet og ansvarskjensle – verdiar Noreg ønskjer å vere kjent for internasjonalt, opplyser Nærings- og fiskeridepartementet.

(©NPK)