Viking Sky-rapporten er klar

Denne veka leverer cruiseutvalet utgreiinga om beredskapssituasjonen knytt til den aukande cruisetrafikken i norske farvatn.

Justisminister Emilie Enger Mehl (Sp) får utgreiinga i Hustadvika i Møre og Romsdal onsdag.

Hustadvika er staden der cruiseskipet Viking Sky 23. mars i 2019 fekk motorstans under eit uvêr og dreiv mot land og var nær ved å grunnstøyte. Ingen menneske vart skadde i ulykka.

Vel eit halvår seinare vart det klart at regjeringa ville setje ned eit cruiseutval som skulle sjå på sjøsikkerhets- og beredskapsmessige utfordringar knytt til cruisetrafikken i norske farvatn.

Utvalet har vore leidd av Kjerstin Askholt, som er tidlegare sysselmeister på Svalbard, og noverande politimeister i Agder.