Vil ha færre statstilsette i Oslo

Nye statlege arbeidsplassar skal leggjast til andre stader enn Oslo, med mindre det er openberre grunnar som tilseier noko anna.

Det går fram av Ap og Sps regjeringsplattform.

Veksten innanfor eksisterande statlege arbeidsplassar skal fordelast meir rettferdig mellom by og land, heiter det i Hurdalserklæringen.

Vidare lovar partia at det skal byggjast sterke kompetansemiljø i heile landet gjennom ei jamnare fordeling av offentlege arbeidsplassar.

– Ingen vedtak om nedleggingar av statlege tenestestader skal gjerast i neste stortingsperiode med mindre det er avgjerande for å vareta viktige nasjonale interesser, skriv dei i plattforma.