Vil ikkje utsetje ny nettleige

(NPK-NTB): Regjeringa vil ikkje ta initiativ til å utsetje innføringa av den nye nettleigemodellen. Det stadfestar olje- og energiminister Marte Mjøs Persen (Ap) til NRK.

– Det er grunn til å tru at mange nettselskap vil innføre dette systemet uavhengig av om forskrifta blir endra, med den konsekvensen at vi risikerer eit ulikt system rundt om i landet, seier Persen til NRK.

Den nye nettleigemodellen skal etter planen tre i kraft 1. januar.