Vil lage kjernekraft på lekterar

(NPK): Bergenske Norsk Kjernekraft AS inngår samarbeid med dansk selskap om det som blir kalla for «framtidas kjernekraftverk».

Bergensselskapet Norsk Kjernekraft har signert ein samarbeidsavtale med danske Seaborg, skriv Bergens Tidende.

Seaborg jobbar med å utvikle kompakte saltsmelteereaktorar som kan plasserast på lekterar. Slike reaktorar blir gjerne kalla «framtidas kjernekraftverk» av forkjemparar.

– Vi ønskjer å finne plassar i norske fjordar der den nye teknologien kan plasserast. Det kan vere fjordar der det enten finst eller vil satsast på ny industri med stort kraftbehov, seier administrerande direktør i Norsk Kjernekraft AS, Jonny Hesthammer.

Han håper teknologien vil vere på plass i Noreg ein gong på 2030-talet.

(©NPK)