Vil styrke rettane til sjøfolk

NPK: I eit nytt framlegg foreslår regjeringa å styrka arbeidsrettane til sjøfolk.
– Me foreslår no fleire endringar i skipsarbeidslova. Endringane kan bidra til å gjera arbeid til sjøs endå meir attraktivt, seier næringsminister Torbjørn Røe Isaksen (H) i ei pressemelding.
Lovforslaget kjem etter at EU vedtok eit nytt direktiv om arbeidsrettane til sjøfolk. Det blir foreslått endringar i skipsarbeidslova, NIS-lova og lov om europeiske samarbeidsutval for å gjennomføra direktivet i norsk rett.
Regjeringa vil mellom anna å styrka stillingsvernet og gjera det tydlegare kva rettar som sjøfolk har ved verksemdsoverdraging. Vidare vil lovforslaget utvida informasjons- og drøftingsplikta når arbeidsgivar vurderer å gå til masseoppseiing av sjøfolk.