Vurderer totalrenovering av hovudkontoret

Sparebanken Møre sitt hovudkontor i Ålesund er lite eigna til moderens bankdrift, og banken vurderer ei totalrenovering av bygget, skriv banken i ei pressemelding.

Banken har vurdert flytting, men har vald å bli verande i sentrum, på dagens adresse.

Ombyggingstart er ikkje fastsett. Planlegginga av ombygginga og korleis den kan gjerast vil pågå i 2024, ifølgje ei pressemelding.

Prosjektet består av fleire fasar og førebels har banken inngått eit samarbeid med den lokale avdelinga i Consto Midt-Norge, som er totalentreprenør innan bygg og anlegg. Holte Consulting Ålesund er valt som byggherreombud.