Widerøe vil spare 400–500 millionar

(NPK-NTB): Widerøe-sjef Tore Jenssen varslar stor innsparing for å finansiere ei oppgradering av flyflåten.

Jenssen trur det vil vere mogleg å finne 400–500 millionar kroner i årlege innsparingar. 

Det er ikkje planlagt nokon store nedbemanningar, skriv Dagens Næringsliv. Innsparinga ligg heller i å samkøyre administrative oppgåver med morselskapet Norwegian, og dessutan at nokon tilsette vil få nye oppgåver.

Jenssen seier det er svært viktig at Widerøe er sjølvfinansiert.

– Det er eit absolutt krav at Widerøe skal drivast sjølvstendig som i dag, og det betyr at vi må tene pengar og finansiere drifta sjølv. Vi skal gjere vanvitig store investeringar i flåten dei neste tre–fire åra, i storleiksorden 1,5 milliardar kroner, seier han til avisa.

Nokre av dei mindre propellflya har vore i teneste i 30 år langs kortbanenettet. Jenssen seier det kan bli aktuelt å bestille nye Dash 8-fly, dersom flyprodusenten De Havilland i Canada tek opp att produksjonen.

Han meiner også at Widerøe kan vekse som selskap og etter kvart sjå på nye ruter til utlandet eller kanskje sjå på eigne basar med mannskap og fly i utlandet.

(©NPK)