(NPK-NTB): Bensinstasjonskjedene YX og Best ønskjer å slå seg saman. Selskapa ventar no på godkjenning frå Konkurransetilsynet.

Det stadfestar dagleg leiar Tom E. Borgersen i Best og innovasjonssjef Thor Kristian Korsvold i Uno-X Mobility til E24.

YX, som er eit dotterselskap av Reitan-eigde Uno-X Mobility, har 180 forhandlareigde stasjonar i Noreg. Den forhandlareigde kjeda Best opplyser på nettsidene sine at dei har nærare 130 stasjonar over heile landet.

Dei to selskapa ønskjer no å slå seg saman og ventar på ei godkjenning frå Konkurransetilsynet.