Ålesund-leiar bustadprisveksten

Ålesund held fram som byen med sterkast prisvekst for bustader i mars månad, saman med Tromsø. Det viser ferske tal frå Eiendom Norge. 

Ved utgangen av mars hadde prisane for brukte bustader i Ålesund-området auke med 9,7 prosent. Det er høgast i landet. 

Så langt i år har bustadprisane i heile landet stige med 4,5 prosent.

– Det er mindre skilnader i bustadprisutviklinga i ulike delar av landet i mars enn det me har sett tidlegare i år og i 2025. Unntaket er Tromsø og Ålesund der prisveksten framleis er svært sterk, seier administrerande direktør Henning Lauridsen i Eiendom Norge i ei pressemelding.

Tala viser at bustadprisutviklinga har moderert seg særleg i Bergen og Stavanger, der marknaden har vore svært sterk i lengre tid. Lauridsen meiner det framleis er for tidleg å sjå om dette er eit trend-brot i denne delen av landet.

– I Oslo er det ei litt sterkare prisutviklinga enn det me såg i januar og februar, då prisutviklinga var oppsiktsvekkjande svak, seier han.