Ålesund: Tre nye smitta - totalt 38

(NPK-NTB): Det siste døgnet er det stadfesta tre nye smittetilfelle i Ålesund. Kommunen set i verk raudt tiltaksnivå på skulane.

Ordførar Eva Vinje Aurdal seier at kommunen no overvaker og vurderer situasjonen heile tida.

– Vi handlar etter dei retningslinjene som er gitt og dei råda vi får i dialog med FHI og Statsforvaltaren. Frå i går har vi fått ein situasjon med meir smitte, seier ho i ei pressemelding.

– Akkurat no har vi ikkje full oversikt over smittespreiinga. Derfor vel vi å gå over til raudt nivå på skulane våre, seier ho vidare.

Onsdag og torsdag vart det registrert tre nye smittetilfelle i Ålesund.

– Det viktigaste no er at alle som har symptom som kan være Covid-19 er heime og ber om ein test. Du skal ha færrast mogeleg nærkontakter og kun forholde deg til nokre få personar framover, seier kommuneoverlege Olav Mestad i ei melding på kommunen si heimeside.

(©NPK)