Årets julehandel blir større enn nokon gong

(NPK-NTB): Nordmenn vil handla for 150 milliardar kroner i november og desember, ifølgje ein prognose frå hovudorganisasjonen Virke.

– Jula byr på skikkeleg handleglede, seier direktør for handel Marianne Bjarstad i Virke i ei pressemelding.

Kvar nordmann skal i snitt bruka 26.700 kroner på løpet av november og desember. Det betyr at eit hushald med to vaksne og to barn vil bruka over 100.000 kroner.

– Nordmenn har romslegare økonomi samanlikna med tidlegare år, og det vil merkast. Me har hatt ein god lønnsvekst, og med lågare prisstigning og to rentenedsetjingar kan me både gi og kosa oss litt ekstra. Det er ei god kjensle før jul, både for folk og for butikkane, seier Bjarstad.

I november ventar Virke at det vil julehandlast for 73,3 milliardar, i desember vil det handlast for 76 milliardar. Det er ein auke på til saman 5,5 prosent frå i fjor.

Auken kjem først og fremst av at me kjøper meir, meiner Virke. Mesteparten av julehandelen skjer i butikk, sjølv om netthandelen aukar kraftig. Sju av ti kroner i blir brukte i butikkar.

– Folk liker å sjå, kjenna og oppleva. Samtidig er det viktig å vera til stades på begge arenaer, både i butikk og på nett. Nærvær på nett er ikkje lengre ein luksus, men nødvendig for å treffa alle kundegrupper, seier Bjarstad.