Anne-Stine Meland

Anne-Stine Meland er tilsett som fasilitator for kompetanseutvikling hos Måløy Vekst og startar i jobben i tidleg i september.

Dette er ei nyoppretta stilling i forbindelse med prosjektet «Studiesenter Kysten» med formål om å utvikle og koordinere desentraliserte utdanningsmoglegheiter nettopp i Måløy.

– Eg gler meg og har store forventningar til å jobbe i lag med denne kjekke og kompetente gjengen, både i Studiesenter Kysten og Måløy Vekst. Det er eit veldig spennande og viktig prosjekt som er i gjenge, og eg kjenner meg heldig som får høve til å vere med på noko slikt, uttaler ho i ei melding.

44-åringen kjem frå Måløy, og tek med seg mykje erfaring frå skuleverket med seg inn i den nye stillinga. Ho har også ein mastergrad frå NTNU i tverrfaglege kulturstudier.

Prosjektet er eit samarbeid mellom kommunane Kinn, Hyllestad, Askvoll, Fjaler, Solund og Høyanger.