Monica Aure Fallingen (40) er tilsett som ny ansvarleg redaktør og dagleg leiar i Mediehuset Nyss.

Ho er i dag redaksjonssjef i Nyss og har lang erfaring som journalist og redaksjonssjef i Sykkylvsbladet.

Fallingen vil starte i stillinga 1. desember 2021 og tar over etter redaktør Frank Kjøde som går av med pensjon.

- Eg er audmjuk og glad for å ha blitt vist denne tilliten, og eg synest at det er ei spennande utfordring å få moglegheita til å peile ut kursen vidare for Nyss, saman med styret og dyktige medarbeidarar, uttaler ho i ei pressemelding.

Nyss er den nye lokalavisa for Stranda og Sykkylven etter at Sunnmøringen og Sykkylvsbladet vart slått saman ved starten av året.