Sondre Lie

Sondre Lie er tilsett som testoperatør i Plusslab Testsenter AS som held til på Næringsfabrikken i Sykkylven. 

Han kjem frå Langlo AS, der han sist hadde ei leiarstilling som CNC-ansvarleg og konstruktør, og har brei bakgrunn innan konstruksjon, prosjektering og produksjonsteknikk i trevareindustrien. 

Lie har arbeidd med alt frå møblar til himlingssystem og har fagbrev som møbelsnikkar.

– Vi er svært glade for å ynskje Sondre velkommen på laget. Saman med Bård vil han bidra til å levere testtenester til bedrifter som er lokalisert rundt om i Norges land, skriv hans nye arbeidsgivar i ei melding. 

Testsenteret er det einaste uavhengige laboratoriet for testing av møblar og tekstil i Norge, og Lie vil styrke kapasiteten saman med fagansvarleg testar Bård Vestre og konstituert dagleg leiar Gry Helene Stavseng.