Sverre Øvrelid Steen blir ny dagleg leiar i Sunnmøre Regionråd frå 1. mars, ifølgje ei pressemelding.
Han tek over roret etter Jan Kåre Aurdal som etter 12 år i stillinga no blir pensjonist.
44-åringen er opphaveleg frå Ellingsøya, men har budd fleire år på austlandet og vender no heim til Sunnmøre. Han har omfattande erfaring frå offentleg sektor, innan kommunikasjon, innovasjon, omstillingsarbeid, leiarstøtte og samfunnskontakt.
Sunnmøre Regionråd er eit samarbeidsorgan mellom alle 15 kommunane på Sunnmøre. Regionrådet skal bidra til at kommunane på Sunnmøre jobbar saman for å styrke regionen sin attraktivitet og konkurransekraft.
Publisert: 03.01.2025 14:38
Sist oppdatert: 03.01.2025 14:38
