Tonje Øyehaug Ruud

Tonje Øyehaug Ruud har vore i kommunikasjonsavdelinga i Ulstein Group sidan 2003 og er no utnemnt til kommunikasjonssjef etter at Lene Trude Solheim slutta i si stilling. Ørsta-kvinna er busett i Ulsteinvik og har mellom anna jobba som kommunal miljøvernkonsulent tidlegare. Ho har ein cand.mag.-grad beståande av natur- og miljøfag saman med biologi. Ho har også teke kommunikasjonsutdanning ved Høgskulen i Volda. - Kombinasjonen kommunikasjon/marknadsføring og ein solid kunnskaps- og erfaringsbase innan natur, miljø og biologi er viktig i arbeidet for det grøne skiftet. Der er Ulstein Group ein aktiv aktør, mellom anna gjennom ei målretta satsing på havvind og andre fornybare energikjelder, seier ho.