Tormod Utne

Tormod Utne (53) er tilsett som ny ansvarleg redaktør og dagleg leiar i Møre-Nytt.

Han kjem frå stillinga som rådgjevar i Norsk Presseforbund og har lang erfaring som journalist, vaktsjef og redaktør i mellom anna Trønderbladet, TV 2, Nettavisen og Sunnmørsposten. Utne har også undervist i journalistikk ved Høgskulen i Volda.

– Gode lokalaviser er grunnsteinar i opne og gode lokalsamfunn, og eg gler meg til å byggje vidare på den gode jobben som over år er lagt ned i Møre-Nytt, seier Utne i ei pressemelding.

Møre-Nytt er det største mediehuset i Ørsta og Volda og har eit opplag på om lag 5.000.

Utne startar i stillinga 1. februar 2024 og tek over etter redaktør Svein Aam som skal i gong med nye prosjekt.