Trond Myklebust

Myklebust er i dag dagleg leiar for Fjord Shipping i Måløy. Viking Supply Ships er børsnotert i Sverige, men har kontor både i København og Kristiansand. Myklebust kjem til å arbeide frå København, der han blant anna får ansvaret for drifta av 13 offshoreskip i det Kistefos-kontrollerte selskapet. Myklebust er frå Vartdal. Han er utdanna sjøkaptein og segla mange år som kaptein, mellom anna på ankerhandterarar i Nordsjøen. Myklebust har arbeidd i fem år som skipsmeklar i Seabrokers i Stavanger, han har vore marknadsdirektør og seinare adm. dir. i Bourbon Offshore Norge i seks år. Myklebust har også vore adm. dir. i Kongsberg Evotec. I Fjord Shipping hadde han mangement-ansvaret for 20 kjøle- og kjemikalieskip. Dette selskapet har 420 sjøfolk, medan Viking Supply Ships har rundt 500 tilsette.