Trond Skodjevåg Bø er tilsett som salssjef for offshore vind i reiarlaget Island Offshore.

Han kjem frå stillinga som salssjef i Wave Foil og har tidlegare vore salssjef ved Ulstein verft.

Det Ulsteinvik-baserte selskapet er allereie godt etablert med skip i «walk-to-work»-marknaden. To av desse er i marknaden for havvind.

- Med ein klar ambisjon om å utvikle tenester og sikre meir arbeid innan segmentet, styrkar vi no laget med meir marknadsressursar som har erfaring, kunnskap og relasjonar innan renewables/offshore wind, skriv reiarlaget i ei melding og ønsker Bø velkomen på laget.