10-timars lobbykampanje i gang

MS Bruvik har nettopp gått frå kai i Ålesund, med kurs mot Sæbø og Rekkedal Gjestegard i Bondalen, før det blir retur til Ålesund i kveld.

Ombord er alle stortingsrepresentantane frå Møre og Romsdal, med unntak av Frp-leiar Sylvi Listhaug, representantar for bransjeorganisasjonen Maritimt Forum, Norsk Industri, Rederiforbundet og ei rekkje representantar frå maritime og marine bedrifter på Nordvestlandet.

NETT NO har tidlegare i dag skrive av kommunikasjonsdirektør Anette Bonnevie Wollebæk i Kongsberg Maritime vil legge fram tre ønske til politikarane i sitt innlegg.

Tre mål
Maritimt Forum Nordvest har sett seg tre mål for arrangementet, seier konstituert dagleg leiar Henrik Dalelid Vedde:

Å få endra anbodsreglane når det offentlege kjøper skip, der pris blir lagt mindre vekt på og miljø- og helse- og tryggleik for dei som byggjer båtane blir langt meir vekt på.

Å bevare og styrke nettolønsordninga, ei skatteletteordning som gjer det relativt rimlegare å tilsette norske sjøfolk.

Å få innført eit CO2-fond, der avgifta på CO2-utslepp blir brukt til å støtte investeringar som gir reduserte utslepp.

NETT NO kjem med meir frå arrangementet