Børsdagen: Formuesskatten stoppar investeringar

Sjå børstabell for Nordvestlandet under saka

Mobiltelefoniselskapet Nortel i Ålesund vart stroke frå notering på Oslo Børs i fjor, etter at selskapet vart seld til konkurrenten Unifon. For Nortel-gründer Christian Pritchard sitt selskap, Proff Invest, gav det finansinntekter på 83 millionar kroner viser 2023-rekneskapen.

– Eg har reinvestert mykje av kapitalen i Unifon, seier Pritchard.

Kor mykje vil han ikkje kommentere, men han har óg plassert oppgjeret for Nortel-salet i obligasjonar og pengemarknadsfond, går det fram av årsrekneskapen til Proff Invest.

Formuesskatten
Pritchard har tidlegare sagt at han byrja å kjede seg i karantenetida etter at mobiltelefoniselskapet Phonero, der han var medeigar, vart seld i 2018.

– Eg vart lei av å gå rundt og ikkje vere i drift. Plenen vart grønare og grønare og gründerblodet brusa, sa han i eit foredrag i fjor sommar.

Han er open for å investere i både nyetablerte bedrifter og vekstbedrifter, men ikkje no.

– Det er ein del av strategien, men vi må sjå endringar i formuesskatten før det er aktuelt, seier han.

Børstabell for Nordvestlandet: