Auka omsetning - svekka margin

Dette går fram av årsrekneskapen for Vågsøy-selskapet som har hovudkontor på Kulen i Måløy.
Måløy Havneservice kjøpte i fjor opp dei to selskapa Mørebunkers i Ålesund og Fosnavåg Is & Oljeservice i Fosnavåg.

MHService

Saman vert dei tre selskapa no marknadsførde som MHService.
No skal det satsast meir på marknadsføring og sal av smøreolje til fiskeflåten.
I tillegg til direkte levering av olje og diesel til fiskeflåten, leverer Måløy Havneservice også med eigne bilar og båt frå Stadt til Florø.
I tillegg er det vaskestasjonar ved anlegga i Måløy og Ålesund.
Totalt omsette Måløy Havneservice for 556,6 millionar kroner i 2015, opp frå 545,6 millionar kroner året før. I 2012 omsette derimot selskapet for 606 millionar kroner.

Gode utsikter

Styret meiner framtidsutsiktene er gode og eigenkapitalsituasjonen er tilfredsstillande, men styret minner at omsetninga vil svinge i takt med aktiviteten i fiskeflåten.
Selskapet er på lokale hender. 71,4 prosent av aksjane i Måløy Havneservice er eigd av Kvalheim & Com i regi av Harald Kvalheim og Sif Vorren Kvalheim, medan 18,55 prosent er eigd av Skibenes & Søn ved Svein og Kristian Skibenes. Selskapet Benelin ved Elin Hammersvik eig 7,82 prosent, medan resten av aksjane er fordelte mellom fem tilsette.
Totalt har selskapet no 12 tilsette.