Aurstad jaktar folk i Ålesund

Det nye kontoret skal mellom anna huse prosjektleiarar som arbeider med Aurstad sine byggeprosjekt i Ålesund og tilsette som bur i området.

Aurstad har fleire tilsette som bur i området, og som no kan arbeide heilt eller delvis på kontoret i Breivika, i staden for ved hovudkontoret i Ørsta.

Aurstad har allereie eit slik kontor på Nordfjordeid, og auka rekrutteringsgrunnlag er eitt av poenga med å kontoretableringa i Breivika, seier dagleg leiar Jo Stian Tverberg i Aurstad til Nett No.

Når fleire
Rekrutteringa til kontoret og basen i Ørsta har vore god, men selskapet vil utvide rekrutteringsgrunnlaget for å få tak i nok kvalifiserte folk, ifølgje Tverberg.

- Vi rekrutterer godt i lokalmiljøet vår i Volda Ørsta, men for å utvide (rekrutteringsgrunnlaget, red. merk) må vi også kunne tilby dette (kontor, red. merk) i Ålesund.

125 tilsette
Per i dag har Aurstad-konsernet 125 tilsette.

Ordreinngangen hittil i år er omlag som ifjor og Tverberg seier selskapet ligg an til inntekter i underkant av fjoråret.

I fjor hadde selskapet 449 millionar kroner i driftsinntekt og 38 millionar kroner i resultat før skatt.