Ute av skipstunnel-konkurransen

Det er samarbeidsgrupperinga Acciona Construction S.A og Bertelsen og Garpestad som har trekt seg frå å konkurrere om skipstunnelbygginga, skriv Anlegg.no.

Det er denne spansk/norske grupperinga Aurstad Tunnel hadde satsa på for å få oppdrag knytt til tunnelbygginga. 

– Vi hadde ein plan i lag med dei. Og når dei no har trekt seg er ikkje den planen der lenger, seier dagleg leiar Jo Stian Tverberg i Aurstad Tunnel.

Om Aurstad Tunnel likevel kan få oppdrag knytt til tunnelbygginga er for tidleg å svare på, ifølgje Tverberg.

Tre konkurrentar att
Med Acciona Construction S.A og Bertelsen og Garpestad ute er det att tre konkurrentar om tunnellbyggeoppdraget:

• Arbeidsfellesskapet: Skanska Norge AS og Vassbakk og Stol AS (Noreg)
• AF Gruppen Norge AS (Noreg)
• Eiffage Genie Civil (Frankrike)

Opphavleg hadde også to kinesiske grupperingar meldt seg på, men dei vart sjalta ut av konkurransen i februar i år.

Byggestart neste år
Kystverket har tidlegare i år sagt at målet er byggestart neste år.

Håpet å bli ferdig ned utsiling av konkurrentane slik at det kan bli kontraktsignering i haust.