Null seismikkaktivitet i Axxis Geo Solutions
Den viktigaste aktiviteten i selskapet foregår no i rettsapparatet.
Seismikkskipet Neptun Naiad ligg i varmt opplag og skipa som var leigd av Havila Shipping er leverte tilbake.
I fjerde kvartal i 2020 var inntektene i seismikkselskapet Axxis Geo Solutions praktisk talt null (sjå tabell).
For 2021/2022 registrerer selskapet ein auke i forespørslar om mogleg oppdrag og meir positve marknadsutsikter, skriv administrerande direktør Ronny Bøhn i kvartalrapporten for 4. kvartal 2020.
Gjeldsforhandlingar
Axxis Geo Solutions mislukkast tidlegare i år med å få alle partar med på styret sitt framlegg til refinansiering av selskapet.
| Axxis Geo Solutions ASA | ||
| Tal i mill. dollar | 2020 | 2019 |
| Driftsinntekter | 92,8 | 70,7 |
| Driftsresultat | 5,8 | -35,9 |
| Resultat før skatt | 4,0 | -41,9 |
| Axxis Geo Solutions ASA | ||
| 4. kvartal. I mill. dollar | 2020 | 2019 |
| Driftsinntekter | 0,01 | 3,9 |
| Driftsresultat | -8,6 | -44,6 |
| Resultat før skatt | -11,3 | -47,7 |
Les også
Ei gruppe investorar ville gå inn med ny kapital på vilkår av at ein stor dela av gjelda blei sletta. Dagens eigarar, der Havila Holding er størst med 26 prosent, ville blitt sittande med under ein prosent eigarskap med denne løysinga.
Ein investor, som hadde kjøpt seg opp i eit obligasjonslån, sette seg mot styret sitt framlegg.
Konsekvensen blei at Axxis Geo Solutions gjekk til retten og ba om offentlege gjeldsforhandlingar, som vil verne selskapet mot konkurs i forhandlingsperioden.
Publisert: 24.02.2021 07:32
Sist oppdatert: 16.03.2021 19:59